“The Guardian”da dərc olunan “Mercy Corps” beynəlxalq humanitar təşkilatının hesabatına əsasən, Kabil 2030-cu ilə qədər içməli suyun tükənməsi təhlükəsi ilə üz-üzədir.
Ekspertlərin fikrincə, son on ildə Əfqanıstanın paytaxtında yeraltı suların səviyyəsi 30 metr aşağı düşüb. Bu kritik vəziyyətin səbəbləri sürətli urbanizasiya və iqlim dəyişikliyinin təsirləridir. Artıq şəhərin quyularının təxminən yarısı quruyub və su sərfiyyatının həcmi su ehtiyatlarının təbii doldurulma sürətini xeyli üstələyir – illik kəsir təxminən 44 milyon kubmetr təşkil edir.
Davam edən tendensiya yeddi milyon şəhər sakininin həyatı üçün fəlakətli nəticəni təhdid edir. Əfqanıstandakı Mercy Corps-un direktoru Den Karrinin sözlərinə görə, su çatışmazlığı əhalinin məcburi köçkünlüyünə gətirib çıxarır, beynəlxalq ictimaiyyətin yardımının olmaması isə miqrasiya problemlərini və sosial çətinlikləri kəskinləşdirir.
