Amerika Ürək Assosiasiyasının könüllüsü və Nyu-Yorkdakı Mount Sinai Tibb Kompleksinin fəal kardioloqu Coanna Kontreras qışda infarkt və insultların sayının əhəmiyyətli dərəcədə artdığını bildirib. Bu, alkoqol istehlakı, pis pəhriz və soyuq hava kimi amillərin birləşməsindən qaynaqlana bilər. Həkimin tövsiyələri Amerika Ürək Assosiasiyasının (AHA) saytında dərc olunur.
Çoxsaylı araşdırmalar göstərib ki, qışda infarkt və insult halları kəskin şəkildə artır. Amerika Ürək Assosiasiyasının aparıcı jurnalı olan Circulation-da dərc olunan elmi məqalədə bildirilir ki, dekabrın 25-də Birləşmiş Ştatlarda ürək-damar xəstəliklərindən ölənlər ilin hər hansı digər gününə nisbətən daha çox olur. Scania Universitet Xəstəxanasında isveçli alimlər tərəfindən aparılan başqa bir araşdırma, dekabrın 24-də (Milad ərəfəsində) infarktların sayının 37% artdığını və axşam saat 22-də pik həddinə çatdığını göstərdi.
Mənbə: Gazeta.ru