Koreya Xalq Demokratik Respublikası bu yaxınlarda bağlanmış hərtərəfli əməkdaşlıq sazişinin ruhunda Rusiya Federasiyası ilə əməkdaşlığı genişləndirəcək.
KCNA xəbər verir ki, bunu Şimali Koreya lideri Kim Çen In Rusiya Təhlükəsizlik Şurasının katibi Sergey Şoyqu ilə görüşündə deyib.
“Yoldaş Kim Çen In iyunda Pxenyanda keçirilən Koreya-Rusiya sammitində əldə edilmiş razılaşmalara əsasən, iki ölkə arasında münasibətlərin bütün sahələrdə, o cümlədən siyasət, iqtisadiyyat və mədəniyyət sahələrində dinamik inkişaf etdiyini qiymətləndirib”, – KCNA xəbər verir.
Kim həmçinin Şoyqudan onun salamlarını və ən xoş arzularını Rusiya prezidenti Vladimir Putinə çatdırmağı xahiş edib.
