Ukraynanın “Klymenko Time” nəşri bildirib ki, Ukraynanın Kirovoqrad vilayətinin paytaxtı Kropivnitskidə (keçmiş Kirovoqrad) partlayış səsləri eşidilib.
Qəzetin məlumatına görə, bölgədə hava hücumundan müdafiə sistemi fəaliyyət göstərir.
Bundan əvvəl nəşr Kiyevdə silsilə partlayışlar barədə yazıb, bunu Kiyev şəhər hərbi administrasiyası da təsdiqləyib. Kiyev meri Vitali Kliçko bildirib ki, dağıntıların düşməsi nəticəsində şəhərin Darnitski rayonunda yaşayış binasının fasadına ziyan dəyib. Ukraynanın Zaporojye və Xmelnitski vilayətində də partlayışlar barədə məlumat yayılıb.
Mənbə: Klymenko Time nəşri
