Ukrayna Avropa qoşunlarının göndərilməsinin təhlükəsizliyin bahalı və etibarsız təminatı ola biləcəyindən narahatdır. Bu barədə “Military Times” Ukrayna rəsmisinə istinadən məlumat yayıb.
“Ukraynalı bir rəsmi… qoşunların yerdə yerləşdirilməsinin sübut olunmamış nəticələri ilə təhlükəsizliyin bahalı qarantiyası olacağından narahatlığını ifadə edib”, – nəşr yazır.
Mənbə, Avropa qoşunlarının Ukraynaya göndəriləcəyi təqdirdə, ölkəyə hücum ediləcəyi təqdirdə “döyüşə girəcəyinə” şübhə edirdi. Onun fikrincə, Avropanın “Sky Shield” hava hücumundan müdafiə sisteminin quraşdırılması Kiyev üçün təhlükəsizliyin daha etibarlı təminatı olardı.
Bundan əvvəl Ukrayna prezidenti Vladimir Zelenski ölkəsinin təhlükəsizliyinin əsas təminatının “güclü ordu” olduğunu demişdi. O qeyd edib ki, “istəklilər koalisiyası” sentyabrın 4-də Parisdə keçirilən görüşdə hər bir ölkənin quruda, dənizdə, havada və kiberməkanda Ukraynanın təhlükəsizliyinin təmin edilməsinə töhfə verməyə hazır olduğunu müzakirə edib. Tərəflər mövqelərini razılaşdırıb və təhlükəsizlik təminatlarının komponentlərini müzakirə ediblər.
