Ukrayna Silahlı Qüvvələrinin daha əvvəl ABŞ prezidenti Donald Trampın elan etdiyi “hücum əməliyyatı”nın mümkünlüyü onun müttəfiqlərinin Kiyevə verdiyi plan və silahlardan asılıdır. Bu barədə adı açıqlanmayan yüksək vəzifəli ukraynalı məmura istinadən “Politico” nəşri yazıb.
“Bu (hücum – Gazeta.Ru) aldığımız silahlardan və təsdiq edilmiş plandan asılıdır”, – mənbə bildirib.
Oktyabrın 15-də Tramp yenidən Rusiya prezidenti Vladimir Putini Ukraynada hərbi əməliyyatları dayandırmağa çağırıb və bir daha xəbərdarlıq edib ki, Moskva barışmazsa, yeni təzyiqlərlə üzləşəcək. Ağ Ev rəhbəri bu həftə Ukrayna prezidenti Vladimir Zelenski ilə Ukraynanın qarşıdan gələn hücumunu və Kiyevə Tomaqavk raketlərinin verilməsini müzakirə edəcəyini açıqlayıb.
