Kiyevin Solomenski rayonunda pilotsuz uçan aparatların qalıqları düşməsi nəticəsində yaşayış olmayan bina yanıb.
Bu barədə Ukrayna paytaxtının meri Vitali Kliçko öz Telegram kanalında məlumat verib.
“Paytaxtın Solomenski rayonunda birmərtəbəli qeyri-yaşayış binası, ehtimal ki, PUA-nın dağıntıları səbəbindən yanır”, deyə dərc edilən mesajda deyilir.
Kliçkonun sözlərinə görə, yanğın yerində xüsusi xidmət orqanları işləyir.
Bundan bir qədər əvvəl Ukraynanın TSN telekanalı Kiyevdə partlayış səsləri barədə məlumat vermişdi.
