Kolumbiya və ABŞ prezidentləri Qustavo Petro və Donald Tramp 3 fevralda Ağ Evdə görüşdükdən sonra nəhayət barışdılar. El Pais qəzetinin məlumatına görə, Oval kabinetdən çıxdıqdan bir neçə saat sonra verdiyi müsahibədə Kolumbiya lideri görüşü 10 baldan 9 balla qiymətləndirib.
Prezidentlər arasında münasibətlər 2025-ci il ərzində pisləşib. Tramp Petronu “narkobaron” və “xəstə adam” adlandıraraq, onu kokain istehsalını dayandıra bilməməkdə günahlandırıb. Petro isə öz növbəsində respublikaçını Qəzzada İsraili dəstəklədiyinə görə tənqid edib və ABŞ-ın Karib dənizindəki hərəkətlərini “tiraniya” adlandırıb.
Venesuela prezidenti Nikolas Maduronun tutulmasından sonra onların münasibətləri pisləşib. Kolumbiya lideri bunu “adam oğurluğu” adlandırıb, Tramp isə Petronun “növbəti hədəf” ola biləcəyinə işarə edib və Kolumbiyada hərbi əməliyyatın aparılacağını istisna etməyib.
