Böyük Britaniyanın Kralı III Çarlz Azərbaycanın ekologiya naziri, COP29-un prezidenti Muxtar Babayevi qəbul edib.
İctimai.az xəbər verir ki, bu barədə COP28-in (BƏƏ) sosial şəbəkə hesabında bildirilib.
“Bu gün Əlahəzrət Kral III Çarlz Klarens-hausda COP28-in prezidenti Sultan Əl-Cabir, COP29-un prezidenti Muxtar Babayev və Braziliyanın iqlim dəyişikliyi üzrə milli katibi Ana Toninin təmsil olunduğu COP Sədrlikləri üçlüyünü qarşılayıb”, – paylaşımda qeyd olunub.
Vurğulanıb ki, COP Sədrlikləri üçlüyü COP-a ev sahibliyi edən dövlətlər arasında görünməmiş əməkdaşlıqdır. Onun məqsədi dinamikanı qorumaq, davamlılığı təmin etmək və COP-lar arasında tərəqqi körpüsü yaratmaqdır.
