Kanada Kral Donanmasının patrul gəmisi HMCS Margaret Brooke iyunun 14-də Havana limanına gələcək və iyunun 17-dək Kubada qalacaq. Bu barədə TASS Kanada Xarici İşlər Nazirliyinin bəyanatına istinadən yazır.
Bu səfər ölkələr arasında diplomatik münasibətlərin qurulmasının 80 illiyi və əməkdaşlığın 50 illiyi fonunda simvolik xarakter daşıyır. Kanada Kral Donanmasının yeni gəmi seriyasının bir hissəsi olan gəmi regionda sülhü təşviq edən ikitərəfli əməkdaşlığı vurğulamaq üçün Kubaya yollanır.
Havanaya səfər etdikdən sonra gəmi öz doğma Halifax limanına üzəcək. Kuba Xarici İşlər Nazirliyi HMCS Marqaret Brukun Havanada olmasının ölkələr arasında tarixi əlaqələrin möhkəmlənməsinə, eləcə də analoji səfərlərin davam etdirilməsinə töhfə verdiyini qeyd edib. Keçmişdə Kanada Kral Donanmasının iki freqatı artıq Havana limanına səfər edib – 2016 və 2018-ci illərdə.
Mənbə: TASS
