“The New York Post” qəzetinin məlumatına görə, 77 yaşlı kruiz gəmisinin sərnişini Kuba sahillərində dənizə yıxılıb və 15 saatlıq axtarış uğursuz olub.
Hadisə Yeni il günü Kubanın Sabana şəhərindən təxminən 40 mil şimal-şərqdə yerləşən Holland America Line şirkətinə məxsus Nieuw Statendam gəmisində baş verib. 77 yaşlı sərnişin dənizə yıxılıb. Qadının yıxılmasından sonra gəmi heyəti dərhal axtarış-xilasetmə əməliyyatına başlayıb və ABŞ Sahil Mühafizəsi də bu əməliyyata qoşulub.
Kruiz xəttinin məlumatına görə, hadisə ilə bağlı siqnal aldıqdan sonra əraziyə bir qayıq və bir vertolyot göndərilib. Axtarış gün ərzində davam edib, lakin qaranlıq düşəndə dayandırılıb. Sərnişin hələ tapılmayıb.
