Kürdəmirdə icra nümayəndəsinin kürəkəni karantin qaydalarını pozdubackend

Kürdəmir rayonunda karantin qaydalarını kobud şəkildə pozaraq yas mərasimi təşkil edən şəxslər aşkar olunaraq saxlanılıb.

“Report” xəbər verir ki, Kürdəmir rayon Sığırlı kənd inzibati ərazi dairəsinin icra nümayəndəsi Əmirov Eyyub Əmir oğlunun kürəkəni Zeynalov Davud Zakir oğlu qayınatasına arxalanaraq, karantin qaydalarını kobud şəkildə pozub və yaşadığı evdə anasına yas mərasimi təşkil edib.

Kürdəmir Rayon Polis Şöbəsinin əməkdaşları həmin əraziyə baxış keçirib, Zeynalov Davud və yas mərasimində iştirak edənlər saxlanılaraq polis şöbəsinə gətirilib.

Profilaktik söhbətlər aparıldıqdan sonra onların hər biri barəsində İnzibati Xətalar Məcəlləsinin 211-ci maddəsinin müvafiq bəndinə əsasən cərimə tətbiq olunub.