Rusiya ABŞ-dakı seçkilərə və onların mümkün nəticələrinə biganədir, çünki hər iki qarşı tərəf Rusiya Federasiyası ilə qarşı-qarşıya gəlməkdə qərarlıdır.
Bunu Rusiyanın xarici işlər naziri Sergey Lavrov Amerikanın “Newsweek” jurnalına müsahibəsində deyib.
“ABŞ-da Rusiya ilə qarşıdurma ilə bağlı ikipartiyalı konsensusun mövcud olduğunu nəzərə alsaq, bu seçkilərin necə bitməsi bizi maraqlandırmır”, – Rusiya Xarici İşlər Nazirliyinin rəhbəri izah edib.
Eyni zamanda, Lavrov qeyd edib ki, ABŞ siyasətində hər hansı dəyişiklik olarsa, Rusiya Federasiyası Amerika tərəfinin təkliflərini öyrənməyə hazır olacaq. Diplomat onu da əlavə edib ki, o, “Ağ Evin sahibinin” ABŞ-ın problemlərinin həllinə diqqət yetirəcəyi və başqa ölkələrdə “macəra axtarmayacağı” siyasət yürütməyi məntiqli hesab edir.
