Hollivud aktyoru Leonardo Di Kaprio supermodel Vittoria Ceretti ilə yaxtada görüntülənib. Fotolar People saytında dərc olunub.
Avqustun 15-də Formentera adası yaxınlığında istirahət edərkən sevgililəri paparassilər yaxalayıb.Jurnalistlərin məlumatına görə, 51 yaşlı Leonardo Di Kaprio və 27 yaşlı Vittoria Ceretti Aralıq dənizində öpüşərək üzüblər. Supermodel xırda zolaqlı bikini geyinib və sənətçi qara üzgüçülük şortu və gün eynəyinə üstünlük verib.
Leonardo Di Kaprio uzun müddətdir ki, supermodel Vittoria Ceretti ilə görüşür. Mart ayında model ilk dəfə sənətçi ilə münasibətindən danışmışdı. Podyum ulduzu jurnalistlə söhbətində sevgilisinin adını çəkməyib. Modelin sözlərinə görə, onlar Milanda tanış olublar. Vittoria Ceretti təfərrüatları açıqlamaq istəmədiyini bildirib. Supermodel qeyd edib ki, qadınlara “kiminsə sevgilisi” deyilməsi xoşuna gəlmir.
