Litva Prezidenti Gitanas Nausėda bəzi Avropa İttifaqı liderlərinin Rusiya və onun Prezidenti Vladimir Putinlə dialoqa qayıtmaq istəyinə şübhə ilə yanaşdığını bildirib,.
Nausėda deyib: “Müxtəlif dillərdə danışanda tərcüməçi və ya lüğət çox vaxt kömək edir. Bir tərəf sülh dilində, digəri isə raket dilində danışanda ünsiyyət qurmaq mümkün deyil; heç bir tərcüməçi kömək etməyəcək”.
O, iddia edib ki, Rusiya guya “Ukraynanı parçalamağa” çalışır. Prezident hesab edir ki, Moskva ilə hər hansı danışıqlar zəiflik əlaməti kimi qəbul ediləcək. Nausėda Avropa liderlərini səhv etməkdən çəkindirib və onları bir daha eyni dırmığın üstünə basmamağa çağırıb.
