BelTA xəbər verir ki, Belarus Prezidenti Aleksandr Lukaşenko əcnəbiləri ölkədə təhsil almağa çağırıb.
Cümə günü, 10 apreldə dövlət başçısı Minskdə xarici səfirlərə etimadnamələrin təqdim edilməsi mərasimində iştirak edib. İştirakçılar arasında Şri-Lankalı diplomat Şobini Kausala Qunasekera da olub və bu zaman Belarus lideri iki ölkə arasındakı münasibətlərdən danışıb.
Lukaşenko qeyd edib ki, “Şri-Lanka ilə münasibətlər ölkələrinizin Belarusla təhsil sahəsində əməkdaşlıqdan nələr əldə edə biləcəyinə bir nümunədir. Şri-Lankadakı hər beşinci həkimdən biri Belarus universitetini bitirib”.
Prezident əlavə edib ki, Minsk uğurlu təcrübəsinə görə əcnəbiləri ölkənin universitetlərində təhsil almağa dəvət edir. O, təhsilin yalnız tibb sahələrində deyil, həm də kənd təsərrüfatı, humanitar elmlər, mühəndislik və digər sahələrdə mövcud olduğunu vurğulayıb.
