Venesuela prezidenti Nikolas Maduro Çin səfirinin iştirak etdiyi mərasimdə deyib ki, ABŞ və onun Avropadan olan müttəfiqlərinin Rusiyaya qarşı hərəkətləri Rusiya Federasiyasını küncə sıxışdırmaq və Ukrayna ilə münaqişəni gərginləşdirmək məqsədi daşıyır.
“Biz imperializmin və onun avropalı müttəfiqlərinin geosiyasi sahəsindəki hərəkətləri yaxşı bilirik, məncə, bu açıqdır, düşünürəm ki, dünyada hamı bunu belə görür, biz Rusiyaya qarşı təxribatları, onu küncə sıxışdırmaq cəhdlərini və təhdidləri açıq şəkildə görürük.
Ukraynada müharibəni qızışdırıb Rusiya ərazisinə keçirməyə çalışmaq, həmçinin bu müharibəni nüvə müstəvisinə çatdırmaqdır”, – deyə dövlət başçısı bildirib.
Mənbə: Haberler.com
İctimai.az
