Fransa prezidenti Emmanuel Makron bildirib ki, Vaşinqton və Moskva arasında dialoqun bərpası üçün “yaxşı səbəblər” var. Onun sözlərinə görə, iki ölkə arasında əlaqələrin bərpası üçün tutarlı səbəblər var. O, bu barədə ABŞ-a səfəri zamanı bildirib və yayımı Yelisey sarayı X sosial şəbəkəsində aparıb.
Makron vurğulayıb ki, fikir ayrılıqları olduqda belə dünya liderləri arasında təmasların davam etdirilməsi zəruridir. O, həmçinin qeyd edib ki, ABŞ-da administrasiya dəyişikliyi beynəlxalq yanaşmaların yenidən nəzərdən keçirilməsini tələb edir və Rusiya ilə dialoq bu prosesdə konstruktiv rol oynaya bilər.
Bundan əlavə, Fransa lideri həmçinin bəyan edib ki, Rusiyanın dondurulmuş aktivlərinə həbs qoyulması beynəlxalq hüquqa ziddir. Onun fikrincə, bu məsələyə müstəsna olaraq Ukrayna münaqişəsinin həlli üçün sülh danışıqları çərçivəsində baxılmalıdır.
Mənbə: TASS
