Bloomberg-in məlumatına görə, Fransa prezidenti Emmanuel Makron Amerika prezidentini tənqid edərək, “orta gücləri” ABŞ-ın gözlənilməzliyinə və Çinin dominantlığına qarşı birləşməyə çağırıb.
Makron 3 apreldə Cənubi Koreyaya səfəri zamanı deyib: “Məqsədimiz iki hegemon gücün vassalı olmaq deyil. Məsələn, Çinin dominantlığından asılı olmaq və ya ABŞ-ın gözlənilməzliyinə çox məruz qalmaq istəmirik”.
O, qeyd edib ki, Avropa beynəlxalq hüquq, demokratiya, iqlim dəyişikliyi və qlobal səhiyyə sahəsində Yaponiya və Cənubi Koreya kimi ölkələrlə ortaq maraqları bölüşür.
