Fransa prezidenti Emmanuel Makron ukraynalı həmkarı Vladimir Zelenski, Almaniya kansleri Fridrix Merz və Böyük Britaniyanın baş naziri Key Starmerlə telefonla danışıb.
Bu barədə Beşinci Respublikanın lideri X sosial şəbəkəsindəki səhifəsində yazıb.
“Biz Ukraynanı dəstəkləməkdə qərarlıyıq, birlik ruhunda işləyirik və istəyənlərin koalisiyası çərçivəsində görülən işlərə əsaslanırıq”, – Makron yazıb.
O vurğulayıb ki, Ukrayna vətəndaşlarının gələcəyi onlarsız həll edilə bilməz. Avropa ölkələri də nizamlanmada iştirak edəcək, çünki onların təhlükəsizliyi də təhlükədədir. Fransız siyasətçi öz hərəkətlərini Zelenski və Aİ tərəfdaşları ilə “yaxından əlaqələndirəcəyinə” söz verib.
