TASS agentliyinin ABŞ İmmiqrasiya və Gömrük Xidmətinin (ICE) məlumat bazasına istinadən verdiyi məlumata görə, yanvar ayında Kaliforniyadakı Kemp Pendleton hərbi bazasına girdiyi iddiası ilə saxlanılan iki Rusiya vətəndaşı iki aydan çoxdur ki, San Dieqodakı Otay Messa immiqrasiya saxlama mərkəzində saxlanılır.
Verilənlər bazasına görə, rusların statusu “ICE nəzarətində” kimi qeyd olunur.
26 yanvarda “Ruslar Los-Ancelesdə” Facebook qrupu iki rus qadını Kristina və Nataliyanın McDonald’s restoranı axtararkən təsadüfən Kemp Pendleton hərbi bazasına girdikdən sonra Kaliforniyada saxlanıldığını bildirib.
