Meksikada ayı ailəvi piknikdə olub və turistlərin gözü qarşısında yemək yeyib. Bu barədə UPI məlumat yayıb.
Hadisə San Pedro Qarza Qarsiya şəhərindəki parkda baş verib. TikTok-da ayı ilə gəzinti videosunu yerləşdirən meksikalı Silvia Maciasın dediyinə görə, heyvan onu və oğlunu təəccübləndirib.
Kadrlarda qadın təbiət qoynunda taxta masa arxasında əyləşib və on santimetr aralıda stolun üstündə turistlərin düzdüyü yeməkləri yeyən ayı görünür. Bu zaman qadın yeniyetmə oğlunu onun üzərinə sıxır ki, gənc ayını görməsin. Maciasın izah etdiyi kimi, 15 yaşlı oğlu Santyaqo Daun sindromludur və heyvanlardan çox qorxur, ona görə də onu mənfi təcrübələrdən mümkün qədər qorumağa çalışdı.
Mənbə: Lenta.ru
