Alman avtomobil istehsalçısı Mercedes-Benz, dizel mühərriki emissiyalarının az bildirilməsi ilə bağlı qalmaqala görə ABŞ hakimiyyəti ilə 150 milyon dollarlıq razılaşma əldə edib, Reuters xəbər verir.
“ABŞ-ın 48 ştatı, Puerto-Riko və Kolumbiya dairəsi ilə bağlanmış müqaviləyə əsasən, Mercedes-Benz səlahiyyətli orqanlara 149,6 milyon dollar ödəyəcək. Şirkət həmçinin tullantıların azaldılması üzrə təmirdən keçmiş avtomobilin hər bir sahibinə 2000 dollar verəcək”, – nəşr yazır.
Mercedes-Benz həmçinin gələcəkdə pozuntuların qarşısını almaq və mövcud nəzarət tələblərinə riayət etmək üçün bir sıra tədbirlər görməyə razılaşıb.
10 il əvvəl ortaya çıxan Dieselgate qalmaqalı fabrikdə quraşdırılan proqram təminatının rəsmi sınaqlar zamanı əsl çirklənmə səviyyələrini gizlətdiyini və emissiyaları qeyri-qanuni olaraq azaltdığını ortaya qoydu. Real dünya şəraitində emissiyalar 30-40 dəfə daha çirkli idi.
