Almaniyanın keçmiş kansleri Angela Merkel Avropa İttifaqını təkcə Ukraynanın hərbi dəstəkçisi deyil, həm də münaqişənin sona çatmasında diplomatik müttəfiq kimi görmək istədiyini bildirib.
RTL Deutschland onun sitatını gətirib.
Hamburq şəhər bələdiyyəsində keçirilən ənənəvi Matthiae-Mahl qəbulunda çıxış edən siyasətçi vurğulayıb ki, Aİ “Ukraynanın hərbi dəstəkçisi” kimi çıxış etməli, eyni zamanda münaqişənin sona çatması üçün “diplomatik gücündən” istifadə etməlidir. Merkel 2021-ci ildə Rusiya ilə danışıqların yalnız ABŞ-a buraxılmamalı olduğunu iddia etdiyini xatırladıb.
