Keçmiş Almaniya kansleri Angela Merkel öz xatirələrində yazıb ki, 2008-ci ildə NATO-nun özünün təhlükəsizliyindən qorxduğu üçün Ukraynanın Şimali Atlantika Alyansına qəbul edilməsinə qarşı çıxıb.
Kitabdan çıxarışları Almaniyanın “Zeit” qəzeti dərc edib.
Merkel qeyd edib ki, ölkəni NATO-ya qəbul etmək üçün kriteriyalar var və bu meyarlar hərbi imkanları ilə yanaşı, daxili strukturunu da nəzərə alır. O, Kiyev və Tbilisiyə MAP (Üzvlük Fəaliyyət Planı) statusunun verilməsi ilə bağlı müzakirələri son dərəcə ehtiyatsız adlandırıb.
Keçmiş kansler qeyd edib ki, Ukrayna NATO-ya daxil olarsa, Şimali Atlantika Alyansının hərbi strukturları ilə Rusiyanın hərbi strukturları arasında təmas yaranacaq, çünki Rusiyanın Qara dəniz donanması Krımda yerləşir.
