Məşhur aktyor Hyu Qrantın “Uimbldon”da Novak Cokoviçin matçında tribunada yatarkən fotoları çəkilib. Bu barədə Daily Mail xəbər verir.
64 yaşlı Qrant Cokoviçlə italiyalı Flavio Kobolli arasında 1/4 final matçı zamanı Royal Box-da yuxuya gedib. Qutuda aktyordan başqa digər məşhurlar, həmçinin onun həyat yoldaşı Anna və Böyük Britaniya kraliçası Kamilla da olub.
3 saat 13 dəqiqə davam edən görüşdə Cokoviç qalib gəlib – 6:7 (6:8), 6:2, 7:5, 6:4. O, yarımfinalda digər italiyalı Jannik Sinnerlə qarşılaşacaq.
Wimbledon mövsümün üçüncü Böyük Dəbilqə turniridir. Bu il iyunun 30-da başlayıb və iyulun 13-də başa çatacaq.
