Argentina millisinin və Amerikanın “İnter Mayami” klubunun hücumçusu Lionel Messi “Adidas”ın YouTube kanalına müsahibəsində həmyerlisi, keçmiş futbolçu Pablo Aimara heyran olduğunu etiraf edib.
“O, Valensiyada idi, güclü komandanın olduğu River Pleytdə idi və bu komandada fərqlənirdi. Onun oyun tərzini həmişə bəyənmişəm. Bizim üçün hər zaman birinci olan, digərlərindən üstün olan Dieqo Maradonadan başqa, heyran olduğum Pablo idi”, Messi deyib.
44 yaşlı Aimar karyerası ərzində Argentinanın “River Pleyt”, İspaniyanın “Valensiya” və “Real Saraqosa”, Portuqaliyanın “Benfika” və Malayziyanın “Cohor” klublarında çıxış etməyi bacarıb. Yarımmüdafiəçi Argentina millisində 52 oyun keçirib. Bu gün Argentina millisinin məşqçilərindən biridir.
Mənbə: TRT Spor
