“Microsoft” şirkəti yerli proqramları quraşdıra və ya işə sala bilməməsi ilə seçilən “Windows 365 Link” adlı qeyri-adi mini-kompüter təqdim edib.
TechCrunch xəbər verir ki, cihazın işləməsi üçün korporativ şəbəkəyə qoşulma tələb olunur və yeni məhsul Windows 11-in bulud versiyasında işləyir.
Windows 365 Link istifadəçiləri Office, Microsoft Teams, Webex və digər proqramların bulud versiyalarından istifadə edə bilərlər. Məlumdur ki, qurğu iki 4K monitorun qoşulmasını dəstəkləyir və dörd USB portu, DisplayPort, HDMI, audio yuvası, Ethernet şəbəkə portu, həmçinin Wi-Fi 6E və Bluetooth 5.3 simsiz interfeysləri ilə təchiz edilib. Mini-kompüter passiv soyutma sistemi ilə təchiz edilib və onun ön panelində güc düyməsi var.
“Microsoft” şirkəti prosessorun dəqiq xüsusiyyətlərini, operativ yaddaşın və daimi yaddaşın həcmini açıqlamayıb, lakin ekspertlər hesab edirlər ki, aşağı güclü Intel prosessoru, 8 QB əməli yaddaş və 64 QB-lıq diskdən istifadə olunur. PC ölçüləri 120x120x30 mm-dir.
