Microsoft-un açıqlamasına görə, Windows 11 istifadəçilərinin sayı 1 milyardı keçib. Şirkət bu mərhələyə son bayram rübündə çatıb. The Verge-in məlumatına görə, əməliyyat sisteminin yeni versiyası Windows 10-dan daha tez 1 milyard cihaz həddini keçib.
Microsoft-un baş direktoru Satya Nadella bunu 2026-cı ilin ikinci rübü üzrə maliyyə nəticələri təqdimatı zamanı açıqlayıb və qeyd edib ki, Windows 11-in istifadəçi bazası illik müqayisədə 45%-dən çox artıb. Sistemin populyarlığı qismən Windows 10 dəstəyinin sona çatması ilə artıb ki, bu da Microsoft-un OEM gəlirlərinə müsbət təsir göstərib.
2025-ci ilin noyabr ayında Windows məhsul meneceri Pavan Davuluri bildirib ki, “təxminən bir milyard” istifadəçi artıq Windows 11-dən istifadə edir. Ümumilikdə, Windows 11-in bir milyard istifadəçiyə çatması 1576 gün, Windows 10-un isə 1706 gün çəkib.
