Belarusun iqtisadiyyat naziri Aleksandr Çervyakov bildirib ki, ölkə 2024-cü ildə Rusiyaya ixracı 7% artırmağı planlaşdırır. Bu barədə respublika hökumətinin rəsmi Telegram kanalında məlumat verilib.
Nazirin sözlərinə görə, bütövlükdə ixracın həcmi 53 milyard dollar səviyyəsində müəyyən edilib.Əsas istiqamət Rusiya bazarına çatdırılmadır. Belarusun bu bazarda payını 26 milyard dollardan çox səviyyədə saxlamaq planlaşdırılır.
Rusiyadan başqa, həcmi 2,5 milyard dollardan çox olan Çin, həmçinin Yaxın Şərq və Cənub-Şərqi Asiyanı əhatə edən “uzaq qövs” ölkələri əhəmiyyətli ixrac istiqamətləri olaraq qalacaq.
Mənbə: RİA Novosti
