Misirin Luksor şəhərində Yeni Krallığın (e.ə. 1539-1077) üç görkəmli dövlət xadiminin məzarları aşkar edilib.
Bu barədə Misirin Turizm və Qədim Əsərlər Nazirliyinə istinadən CNN telekanalı məlumat yayıb.
Turizm və Qədim Əsərlər Naziri Şerif Fəti kəşfi ölkənin arxeoloji qeydləri üçün “əhəmiyyətli” adlandırıb. Bildirilir ki, türbələrin içindəki yazılar onların sahiblərinin adlarını və titullarını müəyyən etməyə imkan verib. Obyektlərdə qalan yazıların təmizlənməsi və tədqiqini başa çatdırmaq üçün vaxt lazımdır.
Nəşrin məlumatına görə, məzarlardan biri Ramesside dövründən (19-cu və 20-ci sülalələr) Amun em-İpet adlı şəxsə məxsusdur – o, ya Amun məbədində (tanrı), ya da onun mülkündə işləmişdir. Türbə kiçik həyətdən və qərb divarının dağıdıldığı taxça ilə bitən kvadrat zaldan ibarətdir.
