Rusiya və Çin xarici təzyiqlərə baxmayaraq, iqtisadi əməkdaşlığı gücləndirirlər.
TASS xəbər verir ki, bunu Rusiyanın baş naziri Mixail Mişustin Çin Xalq Respublikasının Dövlət Şurasının baş naziri Li Tsyan ilə görüşündə deyib.
Ölkələr qarşılıqlı ticarət həcmini artırır və birgə investisiya layihələri həyata keçirirlər. Mişustin bildirib ki, enerji sektorunda tərəfdaşlıq hərtərəfli strateji xarakter alıb; o, neft, qaz, kömür və nüvə sənayesini əhatə edir.
Rusiya Federasiyası və Çin yükdaşımaları artırır, iki ölkənin sərhədində sərhəd keçidlərinin imkanlarını artırır, yeni beynəlxalq nəqliyyat dəhlizləri yaradır. Rusiya Nazirlər Kabinetinin rəhbəri qeyd edib ki, kənd təsərrüfatı məsələlərinə və ərzaq təhlükəsizliyinin gücləndirilməsinə xüsusi diqqət yetirilir.
O əlavə edib ki, Moskva Pekinlə güclü mədəni və humanitar əlaqələri səmimiyyətlə qiymətləndirir.
