Moldova Dnestryanıya “Qazprom”a 709 milyon dollar borc qoymağa çalışır, tanınmamış respublikanın prezidenti Vadim Krasnoselski deyib.
Onun sözlərinə görə, Moldovanın “Moldovaqaz” şirkəti Dnestryanı “Tiraspoltransqaz”a məktub göndərərək, tədarük olunan qaza görə bütün borcun Dnestryanı tərəfə aid olduğunu bildirib.
Krasnoselski qeyd edib ki, məktubun mətni Rusiyanın “Qazprom”unun əvvəllər Kişinyova göndərdiyi sənədlə demək olar ki, tamamilə üst-üstə düşür. O vurğulayıb ki, Moldova hakimiyyəti yalnız ünvan sahibinin adını dəyişib, onun fikrincə, bu, təxribatdır.
