Nyu-Yorkda kakao fyuçerslərinin qiyməti 1 ton üçün 3,5 min dolları keçib. Qiymət artımının əsas səbəbi dünya kakao paxlasının üçdə ikisinin əsas tədarükçüsü olan Qərbi Afrikada istehsalın azalması olub. “İzvestiya” qəzeti yazır ki, kakao paxlasının əsas istehsalçıları olan Kot-d’İvuar və Qanada güclü yağışlar məhsul yığımına mənfi təsir göstərib.
Bu, ekvatorial Sakit okeanda səth temperaturunun artmasına səbəb olan El Niño kimi tanınan iqlim hadisəsi ilə bağlıdır. Afrikada güclü yağışlara, Cənubi və Mərkəzi Avropada isə qeyri-adi istilərə səbəb olur.
Qana Kakao Marketinq Şirkətinin rəhbəri Fuad Mohammed Abubakarın sözlərinə görə, kakao paxlası məhsulunun bir hissəsi xəstəlik və yağış fırtınası nəticəsində məhv olub. Nəticədə fabriklər kifayət qədər məhsul almır.
Mənbə: Lenta.Ru