ABŞ-ın Milli Aeronavtika və Kosmos Agentliyinin (NASA) “Perseverance” adlı kosmik aparatı Mars planetinin səthinə eniş edib.
İctimai.az xəbər verir ki, cihazın enişi və planet səthindən əldə etdiyi ilk görüntülər qurumun rəsmi “Youtube” səhifəsindən canlı olaraq yayımlanıb.
Aparatın enişi qırmızı planetin atmosferinin üst qatlarına çatmasından sonra başlanıb. 7 dəqiqə ərzində davam edən eniş prosesində aparat sürətini 20 000 km/saatdan 3.2 km/saatadək azaldıb. Onun Marsın Ezero kraterinə eniş etdiyi bildirilib.
Qeyd edək ki, “Perseverance” qonşu kürəyə eniş edən sayca beşinci NASA aparatıdır.
Aparatın Marsdan çəkdiyi ilk fotonu təqdim edirik:
