NATO-nun baş katibi Mark Rutte bildirib ki, yaxın iki həftə ərzində Ukraynadakı münaqişə kontekstində “vəziyyəti yaxşılaşdırmaq” imkanı olacaq. “Anadolu” yazır ki, o, İstanbulda keçiriləcək danışıqları belə şərh edib.
“Düşünürəm ki, bu həftə, həm də növbəti 10 gün, iki həftə ərzində Ukraynada vəziyyəti həqiqətən yaxşılaşdırmaq imkanı var. Təbii ki, prezident Zelenskinin rəhbərliyi altında, həm də Amerika hökumətinin böyük təsiri altında. Və Türkiyə burada böyük rol oynayır”, – Rutte bildirib.
O, təkrar edib ki, “Ukraynanın NATO-ya üzvlüyü yolu dönməzdir”, lakin hərbi blok “heç vaxt Ukraynaya və ya başqa heç kimə NATO üzvlüyünün sülh sazişinin bir hissəsi kimi müzakirə olunacağına söz verməyib”.
