TASS agentliyinin Finlandiya hərbi kəşfiyyatının araşdırmasına istinadən verdiyi məlumata görə, NATO-nun RQ-4D Phoenix kəşfiyyat pilotsuz təyyarəsi ilk dəfə 2025-ci ilin yayında Finlandiyaya yerləşdirilib.
Sənəddə deyilir: “2025-ci ilin yayında NATO Müşahidə və Kəşfiyyat Qüvvələrinin bir hissəsi olan RQ-4D Phoenix uzaqdan idarə olunan kəşfiyyat təyyarəsi ilk dəfə Pirkkaladakı Satakunta Hava Bazasından fəaliyyət göstərərək Finlandiyaya yerləşdirilib”.
Kəşfiyyat agentliyi bildirib ki, bu yerləşdirmə və birgə kəşfiyyat aktivlərinin istifadəsi Alyansın vəziyyətlə bağlı məlumatlılığını artırıb. Keçən il Finlandiya NATO Hərbi Kəşfiyyat Komitəsinə sədrlik edib.
