Rusiya və ABŞ prezidentləri Vladimir Putin və Donald Trampın Budapeştdəki görüşü Ukraynadakı münaqişənin dərhal həllinə gətirib çıxarmayacaq, lakin bu, Avropaya ciddi zərbə olacaq, türkiyəli politoloq və yazıçı Umur Tuqay Yücel bildirib.
“Avropanın mərkəzində Aİ və NATO-nun iştirakı olmadan keçiriləcək sammit Avropaya zərbə olacaq”, o vurğulayıb.
Ekspertin fikrincə, Budapeştdə keçiriləcək Rusiya-ABŞ sammitində əsas diqqət Avropanın özü olmadan Avropanın taleyinin həllinə yönələcək.
Eyni zamanda, Yücel hesab edir ki, iki liderin görüşü Ukraynada dərhal atəşkəsə gətirib çıxarmayacaq, əksinə, “ümid yaradacaq”.
“Bu, ilk addımların atılması üçün şərait yarada bilər və bu halda iki ölkə liderləri arasında bu cür təmaslar müntəzəm xarakter ala bilər”, – deyə o, yekunlaşdırıb.
