Belarus Suvalki dəhlizində təlimlər üçün yerləşdirilən Şimali Atlantika Müqaviləsi Təşkilatının (NATO) kontingentinin daimi olaraq orada qala biləcəyini istisna etmir. Bu sözləri RİA Novosti agentliyinə açıqlamasında Belarusun xarici işlər naziri Sergey Aleynik deyib.
“Biz bu təlimləri diqqətlə izləyirik. Təbii ki, bu qorxuların çox açıq əsası var”, – deyə o, kontingentin Suwałki dəhlizində daimi olaraq qala biləcəyi ilə bağlı narahatlıqların olub-olmaması sualına cavab verib.
Aprelin 21-də məlum olub ki, Litva və Polşa Rusiyadan Suvalki dəhlizini müdafiə etmək üçün təlimlərə başlayıb. Onlara 1,5 min hərbi qulluqçu, o cümlədən Samogitiya motoatıcı briqadası, 200-ə yaxın hərbi texnika, həmçinin ABŞ və Portuqaliyadan olan hərbçilər cəlb olunub.
Mənbə: RİA Novosti
