Neftçalanın yeni icra başçısı kimdir? – DOSYEbackend

Prezident İlham Əliyevin sərəncamı ilə Mirhəsən Seyidov Neftçala Rayon İcra Hakimiyyətinin başçısı təyin olunub.

İctimai.az-ın məlumatına görə, M.Seyidov “İrəli” İctimai Birliyinin sədridir.

M.Seyidov 1989-cu ilin 15 iyulunda Sumqayıtda anadan olub. 2006-cı ildə orta məktəbi bitirib. Elə həmin il Azərbaycan Universitetinin Vergi və Vergitutma fakültəsinə yüksək göstərici ilə daxil olub.

2010-cu ildə ali təhsilin bakalavr pilləsini bitirib. M.Seyidov 2012-2014-cü illərdə Azərbaycan Dövlət İqtisad Universitetinin Beynəlxalq biznes MBI magistr dərəcəsi əldə edib.

2010-2011-ci illər ərzində hərbi xidmətini başa vurub.

M.Seyidov ictimai fəaliyyətə 2005-ci ildən başlayıb. O, 2014-cü ilin 27 iyununda “İrəli” İctimai Birliyinin sədri seçilib.

2017- ci il 21 sentyabrından Təhsil Nazirliyinin Müşahidə Şurasının üzvüdür.

2018-ci ilin 8 yanvarından etibarən Azərbaycan Milli Karate Federasiyasının baş katibi vəzifəsinə, 2019-cu ilin 13 oktyabr tarixindən etibarən Türk Şurası Gənclər Platformasının Prezidenti vəzifəsinə təyin olunub.

2019-cu ilin 22 oktyabrından etibarən isə Ekologiya və Təbii Sərvətlər Nazirliyi yanında İctimai Şura üzvü vəzifəsinə təyin edilib.

İctimai.az