“Paris Sen-Jermen”in braziliyalı hücumçusu Neymar karyerasını İngiltərə Premyer Liqasında (APL) davam etdirə bilər.
Bu barədə UOL məlumat yayıb.
Mənbənin məlumatına görə, PSJ bossları braziliyalının mümkün gedişini müzakirə edirlər. Bunu Neymar özü də bilir. Paris komandasının maaş xərclərini azaltmaq istədiyi qeyd olunur. Hücumçuya əsas namizədlər “Çelsi”, “Nyukasl” və “Mançester Yunayted”dir.
Oyunçu 2017-ci ilin avqustunda “Barselona”dan Paris Saint-Germain-ə keçdi və o zaman tarixin ən bahalı oyunçusu oldu. O, zədə səbəbindən 2022/23 mövsümünün qalan hissəsini buraxacaq və yalnız yayın əvvəlində meydana qayıdacaq. Neymar Transfemarkt tərəfindən 70 milyon avro dəyərində qiymətləndirilir.