Rusiyanın Abujadakı səfirliyindən “İzvestiya”ya verilən məlumata görə, Nigeriya terrorçu qruplarla mübarizə aparmaq üçün Rusiya silahları almaqda maraqlıdır.
Diplomatik missiya bildirib ki, “Nigeriya Rusiya silahları ilə əsasən genişmiqyaslı çətinliklərə görə maraqlanır. Bunlara beynəlxalq terror şəbəkələri ilə əlaqəli İslam ekstremist qruplarının fəaliyyəti, eləcə də Qvineya körfəzindəki piratçılıq daxildir”.
Onlar həmçinin qeyd ediblər ki, separatçı əhval-ruhiyyə və etnik və dinlərarası münaqişələr də Nigeriya üçün təhlükə yaradır.
