Norveçdə mayeləşdirilmiş təbii qaz (LNG) zavodu qrafikə uyğun açıla bilməyib.
Bu barədə Norveçin qaz ötürmə operatoru Gassco-nun saytında məlumat verilib.
Norveçin şimalındakı Hammerfest LNG zavodu sızmadan sonra planlaşdırıldığı kimi işə başlaya bilməyib. İlkin olaraq müəssisənin bərpası iyunun 7-də gözlənilirdi. İndi son tarix bir həftə uzadılıb – iyunun 14-nə qədər.
Mayın 31-də Norveçin Equinor neft-qaz şirkəti Hammerfest LNG zavodunda qaz sızmasını dayandırıb, lakin hələlik onun işinin bərpasının vaxtını demək çətindir. Qeyd olunur ki, sızma soyuducu qurğunun dövrələrindən birində klapanın nasazlığı səbəbindən baş verib.
Mənbə: A Haber