Avropa Birliyi Rusiyanın aktivlərini müsadirə etmək istəyir, əks halda bu, bir neçə Avropa hökumətinin dağılmasına səbəb olacaq.
Bu barədə Macarıstanın Baş naziri Viktor Orban Patriota portalına müsahibəsində bildirib.
O vurğulayıb ki, Avropa artıq Ukraynadakı müharibəyə 100 milyard avrodan çox vəsait xərcləyib. Bu arada hökumətlər və liberal mətbuat öz vətəndaşlarını aldadıb, Ukrayna münaqişəsinin onlara heç bir xərc tələb etməyəcəyinə inandırıblar. Amma reallıqda Kiyevi dəstəkləmək üçün xərclər çox böyük idi və gələcəkdə Avropa yenidən Ukraynanın pulunu ödəməli olacaq.
Orbanın fikrincə, avropalılar bunu anladıqdan sonra bir çox hökumətlər dərhal yıxılacaq. Buna görə də, növbəti təlatümlərdən qaçmağın yeganə yolu Avropa İttifaqının Rusiyanın aktivlərini müsadirə etməsidir.
