Macarıstanın baş naziri Viktor Orban bildirib ki, Budapeşt Avropa İttifaqından çıxmır və ya BRİKS-ə qoşulmur, çünki Macarıstan ixracatının 75%-i Avropa bazarına gedir.
Bu barədə Fransanın Point nəşri məlumat yayıb.
Orbanın sözlərinə görə, Macarıstan Avropa İttifaqında qalır, çünki ölkə ixracatının dörddə üçü Avropanın vahid bazarına gedir. Baş nazir qeyd edib ki, bu, 10 milyon əhalisi olan Macarıstanın açıq iqtisadiyyatı üçün həyati əhəmiyyət kəsb edir. O, ölkənin Şərqdən gəlsə belə, Qərbin bir parçası olduğunu vurğulayıb.
Orban qeyd edib ki, Macarıstan Şərqlə Qərb arasında körpü rolunu oynamağa imkan verən unikal imkanlara malikdir. Ölkə öz ərazisində qabaqcıl Şərq və Qərb texnologiyaları, xüsusən də Çin akkumulyatorlarının istehsalı və BMW avtomobil zavodu ilə əməkdaşlıq edir.
Mənbə: Sputnik
