Ukraynanın NATO-ya qəbulu barut çəlləyini yandırmaq kimi bir şey olardı.
Bu fikri Macarıstanın baş naziri Viktor Orban X sosial şəbəkəsində paylaşıb.
“Bu, ertəsi gün Rusiya ilə müharibə və III Dünya Müharibəsi demək olardı. Bu diplomatiya deyil, bu dəlilikdir – kibritləri barut çəlləyinə atmırsınız” deyə o yazıb.
Siyasətçinin fikrincə, Aİ-nin Ukraynanı qəbul etmək üçün aktiv istəyi cəbhə xəttini tez bir zamanda “Avropanın tam ürəyinə” köçürəcək. Orban qeyd edib ki, qitənin döyüş meydanına çevrilməsinə icazə verilməməlidir.
İyunun 26-da Aİ-nin Brüsseldə keçirilən sammitində Macarıstan Ukraynanın Aİ-yə daxil olması ilə bağlı danışıqların başlanmasını dəstəkləyən birgə bəyanatı bloklayıb. Ukraynanın üzvlük məsələsinin müzakirə olunmadığı NATO sammitində Orban oxşar mövqedən çıxış edib. O, Ukraynanı sərhədləri aydın olmayan və öz təhlükəsizliyini təmin edə bilməyən “müəyyən edilməmiş qurum” adlandırıb.
