Parisdə bir kişi Janna d’Ark abidəsindən qılıncın bir hissəsini oğurlayıb və saxlanılıb. Bu barədə “Europe 1” radiostansiyası öz veb saytında hüquq-mühafizə orqanlarındakı mənbəyə istinadən məlumat verib.
Məqalədə deyilir: “Kişi yerli vaxtla saat 10:00 radələrində Janna d’Arkın atlı heykəlinə dırmaşıb, sonra qılıncın bıçağını qırıb və hadisə yerini tərk edib. Daha sonra o, cinayətkarlıq və ictimai əmlakı oğurlamaqda ittiham olunaraq polis tərəfindən həbs edilib”.
Cinayətkar hüquq-mühafizə orqanları tərəfindən şəhərin şimal-qərbindəki Sen-Lazare dəmir yolu stansiyası yaxınlığında saxlanılıb. Qılıncı oğurlamağa cəhd edən kişi artıq saxlanılıb. Hüquq-mühafizə orqanlarının əməkdaşları hadisənin səbəblərini araşdırırlar.
Fransa paytaxtındakı döyüşçünün heykəli 19-cu əsrdə ucaldılıb. Heykəl rəssam Pol Dübua tərəfindən dizayn edilib. O, Janna d’Arkı at belində, zirehli, sağ əlində qılıncla təsvir edib.
