Milli Məclisə yeni aparat rəhbəri təyin edilib.
Bu barədə parlamentdən məlumat verilib.
Bildirilib ki, Milli Məclisin Dövlət qulluğu və kadr məsələləri şöbəsinin müdiri Fərid Hacıyev parlamentin aparat rəhbəri vəzifəsinə təyinat alıb.
Qeyd edək ki, bir neçə gün öncə Səfa Mirzəyev parlamentin aparat rəhbəri vəzifəsindən azad edilmişdi.
Səfa Mirzəyev yaş həddi ilə əlaqədar təqaüdə göndərilmişdi. O, 1996-cı ildən bu vəzifəni tuturdu.
