1 apreldən etibarən Rusiya vətəndaşları beş illik qeyri-biometrik pasportlarla Polşaya daxil ola bilməyəcəklər.
Bu barədə RİA Novosti Varşavadakı Rusiya səfirliyinə istinadən məlumat verib.
Rusiya diplomatik nümayəndəliyi aydınlaşdırıb ki, Varşava artıq Rusiya Federasiyası tərəfindən beş illik etibarlılıq müddəti ilə verilən qeyri-biometrik pasportları tanımayacaq. Bu cür sənədlərlə ölkəyə giriş və qalmaq qanunsuz hesab olunacaq. Polşaya səyahət etmək üçün 10 illik etibarlılıq müddəti olan biometrik pasport tələb olunur.
11 fevralda Rusiya Xarici İşlər Nazirliyinin Konsulluq Departamentinin direktoru Aleksey Klimov bildirib ki, Rusiya qeyri-biometrik pasportlarının tanınmaması digər Aİ ölkələrinə də şamil edilə bilər.
