Polşanın milli müdafiə naziri Vladislav Kosiniyak-Kamış Varşavanın Ukraynaya Polşa əsgərlərini göndərməyəcəyini bildirib.
Bu barədə RİA Novosti məlumat yayıb.
“Hər kəs çox gözəl bilir ki, heç kimin Ukraynaya qoşun yeritmək niyyəti yoxdur”, – deyə nazir vurğulayıb.
Onun sözlərinə görə, Varşavanın Ukraynaya qoşun yeritmək niyyətində olduğundan şübhələnənlər polyakları qarşıdurmaya salmağa və onların arasına “qeyri-müəyyənlik toxumu” səpməyə çalışırlar; Polşanın müdafiə qabiliyyətinə xələl gətirirlər.
